President blong Porgera Commerce and Industries long Enga Province, Nixon Pakea itok sevenpla mun bihain long displa Mulitaka graun buruk disasta insait long Porgera Paiela LLG na ol pipol inau wok long kisim taim tru long sait long kaikai, marasin na ol Gavman sevis.
Planti lain ibin dai taim graun i karamapim ol long namba 24 long mun May, na sampla tausan ilusim pinis peles blong ol long wanem em ino seif moa.
Wok long wokim wanpla access rot bihain graun buruk ibin blokim rot long Mulitaka na Porgera mining town, na Mr Pakea itok, displa i wok long kamapim moa ol displa heve long urgent nid long halvim.
(By Godwin Eki)
Image Details
Sampla ol haus we Mulitaka landslide ino bin karamapim olgeta