Olketa memba union blong Solomon Islands Council of Trade Unions olketa hapi dat Praem Minista Jeremiah Manele hem agri fo mit wetem olketa representative blong olketa long Offis blong hem long Honiara yestede.
President blong SICTU, Tony Kagovai hem se olketa union nao ask fo mit wetem Praem Minista olsem courtesy call fo lelebet stori wetem hem nomoa.
Mr Kagovai hem se olketa union lida ia i tekem oppotuniti ia fo talem long Praem Minista Manele samfala long olketa issiu long saet long wokas long kantri inkludim tu issius blong olketa Solomon Islanders long labour mobility and seafarers.
Credits
Image Details
SICTU Executive Members wetem PM Jeremiah Manele