Long displa taim we world igohet long makim 16 Days blong Activism blong stopim vailans agensim ol meri na pikinini, ol meri na pikinini insait long Porgera District long Enga Province em olsem oli stap insait long wanpla war zone.
Displa em i hau President blong Porgera District Women's Association, Serah Erasi em i tokpiksa long laip na sidaun blong planti ol meri na pikinini we i nau stap insait long planti ol kainkain bikpla heve na wari.
Em itok ol trabol man isave raun na paitim ol meri, reipim ol na killim ol na kukim ol peles.
Serah Erasi ibin go long Port Moresby long askim Gavman, ol aid agency na husat lain long givim sampla help na long bildim wanpla seif haus ol turangu mama, ol yangpla na pikinini iken stap pastaim longen.
Credits
Image Details
Anna Daniel na family i lusim olgeta samting taim oli kukim ol haus blong ol (Serah Erasi)