Program: Public Transport straek spoelem bisnis na raon long Honiara

Plande waka, bisnis and raon blong pipol long Honiara city ibin stop long tude from olketa public transport bus and taxi olketa straek.

Olketa straek afta Honiara City Council hem kamapum wanfala niufala loa stat long yestede wea hem mekem tabu long olketa public transport fo garem olketa tinted glass window.

City Council hem kamap wetem disfala loa bihaen long olketa giaman toktok samfala manis go finis se samfala pipol iusim olketa public transport wea garem tinted glass window nao fo abdaktem or kidnappim samfala resident.