Vanuatu mo ol narafala kantri blong Melanesian Spearhead Group oli mekim statement long International Court of Justice long Europe long wan historical case blong igat wan legal framework long hao ol kaontri long world imas tekem responsibiliti long saet blong climate change.
Ova 100 ol kantri mo organisation ol bae givim toktok long intenasinol kot ia we bae hem gohet kasem namba 13 blong Decemba.
Long toktok blong ol, Vanuatu mo ol nara Melanesian kantri ol askim kot blong luksave se, wok blong ol bikfala mo industrialised kantri oli rong anda long intenasinol loa taem oli gohet putim ol poisin greenhouse gas long air we i kosim climate change.
Plante people oli bin watchem live presentation statement blong Vanuatu mo Melanesia long International court, some strong toktok hemi kamout blong showem se future blong pipol long pacific hemi stap long risk mo urgent action hemi mas tekem ples.
Vanuatu climate respresentative Ralph Regenvanu, hemi kivim toktok, mo pointem out ol evidence blong wan reality blong climate change.
Hemi talem se impact blong klaemet change hemi wan samting we world i save long hem long taem finis.